timon

Timon, m. acut. Est en cas de chariots, ce qui tient en estat le corps de la charrete ou chariot en tirant, Temo, qui est dit a tenendo, comme aucuns escrivent. Mais les charrons veulent dire que le timon n'est piece de charrete ou autre espece de harnois à limons, ains de coches et chariots à fleche, laquelle est ce qu'on appelle Timon. Ovide au 2. liv. des Metamorph. descrivant le chariot de Phaëthon, dit ainsi: Aureus axis erat, temo aureus, aurea summae curuatura rotae. Ce que Marot a traduit en ces mots: D'or {{o=Dor}} fut l'aisseul, d'or luisant tout autour. Les deux limons, d'or estoit le haut tour, De chaque rouë, qui est au contraire du dire desdits charrons, et Marot à raison d'ainsi l'avoir traduict. Car tout de mesme que le timon d'un bateau est la piece avec laquelle on gouverne, meut et contourne le bateau, on gouverne aussi et tire on la charrete par les limons. Timon ou Temon se prend en outre pour le gouvernail d'un vaisseau de mer et d'eau doulce, Clauus, Et selon ceste signification, on dit de celuy qui a la surintendance d'une ville: Il tient ou a en sa main le temon, Clauum Reipub. manu tenet.

Timon d'un navire, Gubernaculum, Clauus, voyez Boiste de gouvernail.

Thresor de la langue françoyse. Jean Nicot.